「香港盛宴11月」

Text：Dining娜 摄影：Wing、孟、相关机构

引言：年底美食盛事尝不停，唔知大家前几日有无去到啱啱圆满结束嘅「建行（亚洲）香港美酒佳餚巡礼」，试食Dining娜推介嘅四款「2016美食之最大赏──至高荣誉金奖」得奖菜式呢？未嘅话都唔驶失望，皆因「香港盛宴11月」已紧接开锣！活动其中一个焦点就係大家可以以八折优惠品尝到多达40款「美食之最大赏」得奖菜式，真係听到都流哂口水呀！

当然，四组「至高荣誉金奖」菜式（共十道），仍然係Dining娜嘅心水好味推介，佢哋分别係：

蟹组得奖菜式及餐厅

特色：十一月仍然係食蟹季节，呢款灵感来自传统蟹粉煲嘅创意菜式，选用咗大大只又有蟹味的斯里兰卡蟹，再加入日本粉丝、上海年糕、虾籽、蟹籽等新鲜食材，加上用热辣辣嘅瓦煲盛载，啱哂转凉天气时食用。

特色：一蟹三吃的创意港菜，分别有蒸、炒、炸三种唔同做法。大厨建议食用时先由味道较清淡的蟹钳食起，接住食香口绵滑的蟹肉炒鲜奶蛋白，最后先至食较浓郁惹味嘅炸蟹球！由味道到颜色都层次丰富，为味蕾带嚟多重享受。

特色：选用肉质鲜甜、蟹味出众嘅阿拉斯加蟹肉，混入姜米及葱花，与米粒一起炒至黄金乾身，每粒饭都饱满分明，同时渗满蟹肉汁嘅鲜甜香味。加上碟边围满已拆好的蟹肉，够哂香口惹味又不会弄污双手。

猪肉组得奖菜式及餐厅

特色：灵感嚟自快要失传的老上海家常菜「墨（木）鱼大虾」！但今次大厨将墨鱼煲成浓汤，再与清香雪梨慢煮一口五花腩肉，既能利用梨嘅清新中和腩肉嘅油腻，同时又突出到平时广东人爱以生果入馔嘅饮食特色。

特色：手工菜！每粒都用人手亲自将五花腩肉薄片，包住莲藕条后，再用茶树菇包扎轻轻打结。基本上，一入口已能够同时间感受到三种不同食材嘅口感同味道。同埋用热腾腾嘅瓦煲仔上菜，最啱天寒地冻一大班人饭聚分享。

蛋组得奖菜式及餐厅

特色：咪睇少呢道灵感嚟自凉瓜炒蛋嘅变奏家常菜！大厨话炒蛋白时，手势力道都好考功夫，要用阴力好似炒雪糕咁炒，咁蛋白先至唔会散开同燶边化水。再利用即磨梅粉洒在凉瓜蛋白上面，既开胃又可减淡凉瓜嘅甘苦味。

特色：由蒸水蛋演变出嚟嘅矜贵版蒸水蛋！有煮开饭就知道蒸水蛋易，但要蒸得好係极高难度嘅！呢道菜，蛋同水保持喺1:3嘅黄金嫩滑比例，要够蛋味又唔可以有气泡，仲加入鲜甜腰虾同香菇吊味，绝对好味又健康！

特色：单睇卖相已经成幅立体山水画咁精緻！蛋白底加入咗鲜鱼汤做成黄色湖泊；中间嘅海胆炒蛋则变成大山；旁边嘅羊肚菌就係小石山；加埋像真度高嘅金鱼饺游嚟游去，直情靓到唔捨得食落肚（虽然蒸蛋係要趁热食先最好味嘅）！

点心: 肠粉组得奖菜式及餐厅

特色：透薄嘅肠粉皮包住炸得金香酥脆嘅春卷，春卷里面充满了香爽弹滑嘅菇菌鲜虾，形成外软绵滑溜、内香脆可口及弹牙鲜香嘅丰富层次。感觉有点似平日食开嘅炸两，但当然是昇级奢华版！富贵虾造型则像打紧功夫嘅螳螂，相当生动。

特色：黑白肠粉造型够哂突出！黑色肠粉其实係用墨鱼汁染色，里面夹住富香港地道风味嘅炆牛腩做馅，较平时食开嘅牛肉肠粉更有嚼劲。肠粉内包有自家製米纲皮，咬落去时中间会有多重脆口感，绝对是好味手工点心菜！

除咗以上「至尊荣誉金奖」菜式，仲有其他好味得奖菜式，包括：

蟹组，「金奖」及「银奖」得奖菜式及餐厅

猪肉组，「金奖」及「银奖」得奖菜式及餐厅

蛋组，「金奖」及「银奖」得奖菜式及餐厅

点心: 肠粉组，「金奖」及「银奖」得奖菜式及餐厅

「香港盛宴11月」其他活动

除咗到以上餐厅食府逐一细味多达40款 「 2016美食之最大赏 」 得奖菜式外，今个11月还有多项大小相关主题活动，包括美酒展、专题游，以及餐饮优惠等相继登场，它们包括有： 「臻味品鉴週」 、 「The Cocktail Agenda」 、 「香港阿根延节」 、 「2016德国啤酒节」 、 「出奇欢乐皇东节」 、 「兰桂坊嘉年华」 、 「Great Wine of the World活动－品酒盛会」 等一系列活动。

「香港盛宴11月」 详情可浏览旅发局网站